A estas alturas deberíamos estar peneirando entre a chea de títulos de banda deseñada que saen coincidindo co Salón de Comic de Barcelona. Pero o sector editorial, como case todo, está paralizado.
É bo momento para falar dos comics que saíron a rúa até o confinamento. Hai lecturas que pagan a pena. Das que, cando remate o ano, seguro que forman parte da listas dos nosos favoritos.
![Preferencias del Sistema (portada)](https://blog.wellslibros.com/wp-content/uploads/2020/04/Preferencias-del-sistema-COVER-1200-870x1024.jpg)
Preferencias del Sistema de Ugo Bienvenu (Ponent Mon)
Relato de ciencia ficción ambientado nun futuro no que non hai medios para almacenar toda a información que xeneramos. Fala da sobreinformación, a tecnoloxía como ferramenta de control ou a perda do patrimonio cultural. Comic dos que deixan un eco de curiosidade, placer e inquedanza.
![](https://blog.wellslibros.com/wp-content/uploads/2020/04/portadacasandradarke-1.jpg)
Cassandra Darke de Posy Simonds (Salamandra)
Posy Simmonds compón imaxes con maestría e gusta de basearse na literatura clásica. Aquí temos un conto de nadal no que se misturan a sátira social e o relato policial. O papel de Scrooge o fai Cassandra Darke, galerista da alta sociedade londinense con moi mala baba e un pouco caradura.
![](https://blog.wellslibros.com/wp-content/uploads/2020/04/978846794002201_g.jpg)
Cemetery Beach de Warren Ellis e Jason Howard (Norma)
Ciencia ficción trepidante coa firma do guionista Warren Ellis (Transmetropolitan). Mike Blackburn é un un axente de recoñecemento detido nun planeta controlado por un líder despota e trastornado. Foxe e escomeza unha carreira chea de adrenalina para chegar até a súa nave e tentar volver á terra. Hai quen o compara con “Mad Max. Fury Road”.
![Sunny Sunny Ann!](https://blog.wellslibros.com/wp-content/uploads/2020/04/sunnysunnyann-741x1024.jpg)
Sunny Sunny Ann de Miki Yamamoto (Astiberri)
Un manga para os que non gustan de ler manga. Ann é unha rapaza libre, forte e sensible que non atura a rutina. Vive nun coche, vai de acá para acolá e as veces se prostitúe para conseguir cartos. Tenra e vital coa xente que busca cariño. Implacable cos que teñen malas intencións. Un personaxe magnético e sensual que as veces parece saído dunha película da nouvelle vague e outras do cine de Fellini.