Ninguén queda

Brais Lamela

18,00 IVA incluido

Unha primeira novela abraiante que reflexiona sobre a pertenza percorrendo o Nova York actual e a provincia de Lugo nos anos 50.

Entre o verán sufocante de Nova York e as montañas neboentas de Negueira de Muñiz, “Ninguén queda” segue os pasos dun mozo galego na metrópole nor­teamericana mentres rastrexa a historia dunha muller desaparecida nos asentamentos de colonización da Terra Chá levantados pola ditadura na década de 1960.

Os pisos de estudantes no estranxeiro, as comunas que emerxen dos restos dos encoros e os perso­naxes ensimesmados que acumulan fragmentos de tempo esquecido conflúen nun relato sobre a existencia do fogar en circunstancias límite; un relato que traza o contorno do abandono e o desposuimento mais tamén o da supervivencia obstinada.

Cunha linguaxe interrompida, que transita e hibrida as fórmulas do ensaio interpretativo e as estratexias da ficción, Brais Lamela escribe unha obra sobre o arraigamento e a intersección de mundos, unha arquitectura literaria sutil que atopa novas posibilidades de escritura e asume desvíos e fracasos, un artefacto impuro, crebadizo, conmovedor.

Información adicional

Autor:

Editorial:

ISBN:

9788412158083

Páginas:

182

Formato:

Rústica

Dimensiones:

18,5×13,5

Año:

2022

Categoría:

¿Buscas un libro? / Buscas un libro?